U Symbood Montri Rangbah ka jylla, u Prestone Tynsong da pyntip u wa ka sorkar pyrdi da mynjur ko wa emkaam u em i ya mynjur hapyrdi ka sorkar Assam wa Meghalaya wow toh u laitlooid i lai i wan ha waroh arliang ki pood ha ki thaw wa em i yakajia wei wow pynbait khaddooh yei ya kajia pood.
Hawa yaklam wa kiwa thoh khubor da ong u wa ban joor ki wow em ini i ya mynjur neibhah wym em wa burom yei wym toh u pynkhih namo u neh ka Status Quo ha ki bynta wa khappood.
Da ong u leh wa ki pulit ym toh u pynthut ki ya kiwa chong chnong wei ki pulit toh u ya krehlang ki wa kiwa pynlai chnong yow lait na iwon iwon i jia.
U Prestone da pyntip u leh wa u Montri ki Kaam Pohyung ka sorkar pyrdi da mynjur u wow khut yalang hapyrdi ki Chief Secretary wa ki DGP kini ki ar jylla yow yaklam hajrong kini ki kaam.
Chooh chooh da pyntip u wa daw leh sa ka yachemlang ki Montri Rangbah ki ar jylla yow pyntikna wa kam iwa jia ha Mukroh ym jia de sa chisien.
