U President ka MPCC, u Vincent H Pala da kyrchaan u yei dawa u Dr. Mukul Sangma wa toh u thung da ka takit kawa khlan hajrong i pynlai pyrchah aiñ ya oo mooyong wa i drugs hapoh ka jylla.
Hawa yaklam wa kiwa thoh khubor, u Vincent Pala da ong u wa i chalan pyrchah aiñ ya u mooyong da sdang ko la 10 snem wa da lai, wei i chalan drugs da sdang palat 10 snem. Da ong u wa iwon iwon wa kit cha kani ka jylla wei kawa mih na kani ka jylla, da chah khrong poisa nadooh kiwa kit moo, kit chyiap wa ki kari kit syiar leh.
U Vincent Pala da ong u wa ki kari kiwa kit syiar na Guwahati cha Shillong hap ki wow su 20 hadooh 30 hajar chi Pickup, lada kit mooyong na Jaiñtia Hills cha Guwahati hap wow su 96 hajar tangka, kiwa kit moochuni na Jaiñtia Hills cha Guwahati hap wow su 20 hajar tangka wei kini toh kiwa da mih khubor.
Da ong u wa kyrchaan u yei dawa u Dr. Mukul wow em ka takit hajrong ini i kaam pyrchah aiñ wei ka takit toh u man ko nadooh 10 snem nachwa hadooh katni.
Hawa kylli won ya ka Legal Notice wa da phah u Sniawbhalang Dhar deiwa dawa paan maap wei wow su Rs. 100 klur, ym em bien u Vincent u ong iyi iyi.
Discussion about this post