Heiyatoh wa ki khyrdop ka chnat Forest yong ka JHADC kiwa da e wai wow pynlai da ki bru samen, u Awhai Andrew Shullai, uwa yahkhmat ka liang pyrchah hapoh ka JHADC, hawa wanrah ya ka Resolution wa yatoh wa ini, da beiñ u yei rukom e wai ya kini ki kiwa khlem da lai de katkam ka aiñ, neibhah i rukom khut Tender wow e wai leh khlem da e pynbna ha ki laad pathai khubor wa yoh u yoo da kiwa boon wa lang.
Hawa kylli yei daw wa da e wai ya kini ki khyrdop, u Thombor Shiwat kam u CEM da e jubab u wa i e wai toh deiwa pyrchang hajrong ka yurim wow pait wei wow nujor lada lah wow e wai næ deiwa pynlai da kiwa kreh kani ka chnat. Neibhah ha ki snem wa chadien da em i yaklam para MDC hi hapoh ka dorbar wa duna bha i yoh nong.
Hadien wa yoh yeini i pynche, u Andrew da jubab u wym phær lada toh kam wow pyrchang donhi, tangwa iwa sñiaw diaw toh deiwa e wai wei kattæ da khrong poisa khlem da tip ya ki kyndon ki aiñ, deiwa tip du yei dor wa khrong neibynta ki jait maar wa kit.
Da ong u wa ini da tyngkheiñ ko ya ka aiñ yada rymaw, najrong wa ka bynta wa toh u leh da ki bru ka Council leh da leh kulmar hi da ki bru wa chim wai.
Kamtæ dawa u na ka Council wa toh u pyndooh noh chwa yei e wai wei wow khut Tender thymme deiwa lai katkam ki kyndon wa toh.
Ya kani ka Resolution neiliang u Awhai Andrew Shullai ym em pyndam u ko wot hadien wa yoh yei pynche, kamtæ da chim rai u Chairman uwa da ap yei sur heiwa da chah pynrem noh kani ka Resolution.
Discussion about this post