U Awhai Andrew Shullai uwa man leh kam uwa yahkhmat ka Liang Pyrchah, ynne ka sngi khaddooh yong ka dorbar mang tangka ka JHADC, lyngba ka Resolution da trywa u ha ka Executive Committee yong ka JHADC wow sdang da ka Committee wa kyrpang yow pait hajrong i chah ktah ki bru ka thaaiñ neidaw i yoh Trading License laitlan ki baar Jylla wa wan seiñ khih ha ki chnong ki thaw yong i.
Hawa klam hajrong kani ka phang da ong wa wym em khang ya ki baar jylla kiwa biang ki kot ki sla wow wan seiñ khih ki cha ka thaaiñ yong i, tangwa i yong sakhiat ymtoh wow e License neibynta ki jooh ki kreh kiwa ki bru yong i da leh ki, neibhah kamwa man kattæ boon kiwa ood wa naam hajrong i hiar ka yaaw ka haat, ka kamai kajih yong ki neidaw wa da boon ki baar jylla wa wan sdang yei jooh i kreh.
Kamtæ da e yumut u wow chna da ka Committee wa kyrpang ka wow pait bniah wei lada chem yei chah ktah ki bru ka thaaiñ deiwa em ki dukan ki baar jylla wei toh wow u pyndooh pyndam syndon ya ka License yong ki.
Hajrong ini, u EM, u Jessie Suiam da pynche u wa neiliang ka Council ym em chem wa lai lait na ki kyndon chwa wow e License, wei da pait ya ki kot ki sla wa biang ha ryngkat ki NOC na ki waheh chnong, deiwa chaniah leh ha ki waheh chnong wa lada yoo biang ki ya ki jait kaam ha ki thaw wa em ha ka chnong yong ki.
Hajrong ini, u Andrew da trywa u wow chna da ka Committee wa kyrpang heiwa u EM da kular u wow rah yaklam hapoh ka Executive Committee.
Discussion about this post