Ka seiñ na Ri-loom Garo kawa dawa ya ka jylla Garo kawa tip kam ka Garoland State Movement Committee (GSMC) da e ko yei sñiaw yong ka ha ini i yania chaphang ka yabhah kreh namo ka Reservation Policy deiwa ong wa ki Garo toh u yoh ki 50% i bhah kreh sorkar.
Da pynksan ki yeini deiwa ong wa nadooh was dang ya ka jylla, hanla da ong wa da yabhah mar 40%, ki Garo ym jooh em yoh ki ya ini i 40% i bhah neibhah kiwa boon ki kreh sorkar da lai bait ki cha ki Khasi-Jaiñtia.
Da ong ki leh wa ki Garo ym em yoh ki tang 15% i bhah yong ki wei na kiwa chah thung kreh hapoh ka MPSC, ki Garo da yoh ki du 19% donhi.
Kamtæ da ong ki ha ki por wym em yoh bhah ki Garo hawa khut yaleh kreh neidaw wym em kiwa biang ki bru wa yaleh, ya ini i bhah da dooh noh ki tangwa deiwa em ka Roster System kitu ki bhah wa da dooh ki Garo daw pyndap biang hapoh ka Reservation Policy neibhah ka Roster System da pynkrehkaam ya ka yow pyntikna wa kiwa dooh yei bhah yong ki daw pyndap won manda em biang i lait kreh.
Kamtæ da ong ki wa hap leh wow kheiñ yei sahdien ka Ri-loom Garo ha waroh ki liang nadooh i yoh i kot, i puræ puthi wa kiwi de wei na kini ki daw toh u pynku yei bhah ki Garo.
