Shillong: Kam chibynta wow pteiñ yei pynkynmoo ya ki paidbah wa emkaam u booh da ka thong ha chwa wow pynkha ya ka manyung, ynne ka sngi da pynman ya ka yalang namo ka “The State Level Advocacy Meeting on World Population Day 2017 with a theme A New Wave, a New Belief/Trust. Families Prosper with Total Responsibility” da ka National Health Mission, Meghalaya wa ka Directorate of Health Services (MCH & FW), Government of Meghalaya ha U Soso Tham Auditorium, Shillong.
Ka Chairperson, State Commission for Protection of Child Rights, ka M. Kharkongor kam ka kongsan da ong ko wa dang duna bha i siñawthooh ki paidbah yei ma iwa mih manda boon ware ki bru bar yeiwa ye ka imlang ka sahlang kamjooh ka yung ka sem wow kyrchaan ya ki.
Kamtæ emkaam u thooh ya ki laad thymme wow pynsñiawthooh ya ki paidbah wa i boon bru ktah ko yei yoh khih yoh khan, i chait i khiah wa kiwi kiwi de. Cha ki thaw nongkyndong ki kynthai wa da pynkup ha ki wow yaklam chaphang ini man ki kam u chabi wa ye u wai laad wow pynsñiawthooh ya ki khynthai ya ki laad wa ye ki u leh yow lait ki u punkhon khlem poi pyrkhat kamjooh leh wow pyndooh khon.
U Mission Director, NHM, u H.M. Shangpliang hei klam yong oo leh da ban joor u wa emkaam u pynsñiawthooh ya ki khynroo khyllood chwa u sdang ki ya ka manyung yei kordor u pyrkhat katwon ngut ki khon u yoh ki wei ki khynroo khylood leh toh u rah ki ya kani ka khubor cha ki thaw nongkyndong.
Kiwi de wa em ha kani ka sngi toh Dr. D. Lyngdoh, Director of Health Services (MCH&FW), Dr. R. O. Budnah, Director of Health Services (MI)wa kiwa puræ ha ki College wa phær hapoh Shillong.
Discussion about this post