Shillong: Ka Directorate of Health Services (MCH&FW), National Health Mission, Meghalaya hei krehlang wa ka Meghalaya State Commission for Women kamjooh wa ka Office u Deputy Commissioner, East Khasi Hills District, Shillong da pynman ki ya ka Youth Festival hajrong ka phang “A smart teenager, for a bright future” ynnin ka 18 tarik ha U Soso Tham Auditorium, Shillong.
U Commissioner & Secretary sorkar Meghalaya, Sports and Youth Affairs Department, u F. R. Kharkongor da man u kam u kongsan.
Hei klam yong oo da ong wa kam kini ki lympung toh ka laad ya ki khynnah ki khynroo khyllood wow yachem lang ki kamjooh yow yaklam chaphang i chait i khiah wa kiwa boon ki chitom wa chem ki chwa wow man ki ki waheh bru.
Da ong u leh wa ki khynnah wa em hapoh 18 snem i rta hapoh India toh kiwa boon dooh wa em ha ki ri hapoh pyrthai wei emkaam u chim kabu ya ini deiwa yah luti ya ki yow man ki ki bru wa biang ha i puræ puthi kamjooh ki sap yow ye ki u yoh kreh kamjooh kiwa ye u wanrah i myntoilang ha ka imlang sahlang yow lait ki u man kam ka yukit wa khia ya ka ri.
Yow poi cha ka thong wa waroh man ki kiwa biang hei chait i khiah kiwa man ki waheh bru wa da pynkhreh u psiah ki cha ki kaam ki jaam ka imlang sahlang da man ko ka kitkhlieh yong i waroh wei ha ka pyrthai wa katni, ki Social Media da sdang ki u man ka wym hoi de u dooh i, kamtæ toh u sdang leh ya ki ‘Health Campaign’ lyngba ka Facebook wa kiwi kiwi.
Ha kani ka sngi kiwa emlang ha kani ka Youth Festival da yohlaad ki leh u ya syllok wa kiwa boon ki Counselor wei da e leh ya ki PowerPoint Presentation hajrong ki phang ‘Importance of Nutrition for Adolescents’ ‘Reproductive and Sexual Health’, ‘Gender, Rights and Violence among Adolescent’ wa ‘Cyber Crime and Social Media’.
Discussion about this post