U heh ka IT Cell ka BJP, u Amit Malviya da beiñ danda u ya u heh ka Congress, u Rahul Gandhi hadien wa chah pynrem ka Congress kawa man leh ka Party wa rim dooh ka ri ha ka Election MLA ha Bihar chirup wa ki lok ko.
U Amit da ong u wa kawi hadien kawi ka Election da chah pynrem u Rahul Gandhi! Wei lada em ka Award heiyatoh wa i chah pynrem Election, toh u yoh lut u Rahul ki.
Da ong u leh wa u Rahul Gandhi da pynlang u 95 sien i rem ya ka Congress Party.
Katkam ka Election Commission, ha Bihar, ka NDA wa yahkhmat da ka BJP da jop ko 3:4 na ki Seat, iwa mut da jop ko 202 Seat na ki 243 tylli ki Assembly Constituency (BJP 89, JD(U) 85, LJP (RV) 19, HAM (S) 5 wa RLM 4).
Ka Mahagathbandhan wa krehlang ka RJD wa ka Congress wa kiwi da jop ki du 35 tylli ki Seat (RJD 25, INC 6, CPI(ML)(L) 2, CPI(M) 1, IIP 1) katwa ka AIMIM wa yahkhmat u Owaisi da jop ko 5 Seat. Ka BSP won da jop ko du chi Seat donhi.
Discussion about this post