Jowai : Katkam ka yutip wa da yoh na ki pulit da ong wa da yoh ki ya ka ujor na u Wanlang Rymbai wa chong wa sah ha Chahtngit, Iawmusiang, Jowai.
Ha ka ujor da ong wa ha ka miet ka 29 Khonchonglad da em ki damok kiwa da khyndang ya ka yung yong ki wa em ha Chahtngit.
Ki damok da tooh ki ya ki tiar yung, 3 tylli ki sahkti kisar kiwa chongdor T. 1,30,000, 2 tylli ki laket ksiar kiwa chongdor T. 1,85,000, ka poisa T. 27,700, ki sula kiwa chongdor T. 28,000, 90 kilo u khoo wa chongdor T. 2970, 2 tylli ki Solar Light kiwa chongdor T. 14,900 ka poisa khutia wa T. 320 wa kiwi ki mar yung kiwa chongdor T.16,000.
Kiwa tooh da tympiah ki ya u tala wei da psiah ki na ka dwar khmat yung. Heipor wa chah tooh ini i yung ym em bru wa sah ha yung neidaw wa yang wa kjut ki cha Hospital.
Waroh kini ki mar wa ka poisa chongdor ki hadooh T.4,04,890.
Ki pulit da register ki ya ka case wei dang takit ki hei yatoh weini.
Discussion about this post