Hei janmiet ka 27 tarik, da em i oor khyndaw ha u sarokbah Shillong-Pynursla-Dawki, ha i bynta chwa u poi ha ka chnong Pomlum.
Katkam ka khubor wa da yoh, ini i oor khyndaw da jia i heipor kamwa 6:00 waje haroh. Da em leh i haap ki moo najrong cha sarok iwa da khang yei lai luti ki kari.
Kani ka sarok toh kawa dang em hei chna pynheh nadooh na Baniun chadooh Dawki, heiwa i kreh dang lai i ha kiwa boon ki bynta yong uni u sarok.
I oor biang yong uni u sarok ye u man neidaw wym skem de ki moo nei joor palat i pam i tih yow chna sarok.
Ki paidbah hawa pyrchang wow lai pait yow lai chakhmat na ini i bynta, ym nood de ki neidaw wa ki moo najrong dang pteiñ ki wow haap wot hadooh kattæ leh.
Da yoh khubor leh wa da em i oor khyndaw ha u sarok ha katai ka thaaiñ iwa da wanrah yei thut i lai i wan.
Discussion about this post