Tooid ki paaid Katholik cha ka lai procession wa nyngkong ka Sahsniang Parish

Jowai : Ka Parish Sahsniang ka wa dang thymme da pynman ki ya ka lai procession kawa nyngkong ha kani ka 26 tarik ka wa man kawa phooh wa phieñ wa chongkun.

Da pdiang burom ya waroh kiwa wan cha ka yaseiñ neiliang ka parish da u Fr. Vinesh uwa man u Parish Priest wa nyngkong ka Sahsniang.

Ka phang pyrdi ha kani ka sngi toh chaphang  i ‘Khuslai’ iwa da batai bniah da u Bishop Victor Lyngdoh u Bishop yong ka Jowai Diocese.

Da ong u wa ha pyrthai, ym em wow lait nei khuslai, wei daw em bait kiwa boon ki eh ki chitom wa daw chem kam ki bru. Ki bei ki pa khuslai ki chaphang ki khon ki kti, kiwa kreh khuslai ki chaphang i khih i khan, kiwa dang puræ khuslai ki ya ki exam, kiwa kjut khuslai ki yei chait i khiah kamtæ ter ter wei ini waroh man i kam chibynta i im ki bru man ka sngi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Jisu won da sneiñ u wa ym hoi u khuslai chaphang ka baam ka dih, ka kup ka sem neibhah da kular u wow sumaar sukhær ya i waroh. U Jisu da ong u “Thooh chwa ya ka hima u Blai wa i hok yong oo neibhah ya kiwi kiwi won daw e pyntam ya phi.”

Da pynkut ya ka sngi da ka lai procession wa ka e kyrkhu ya ki para wa ngait.