Kiwa sikai skur SSA hapoh ka lama ka All Meghalaya Sarva Shiksha Abhiyan School Teachers’ Association (AMSSASTA) da lai ki dei kjat na madan Malki ynne ka sngi tangwa manda poi ha IGP, da chah wow lai psiah du 10 ngut wow yaklam wa ka sorkar.
Kiwa sika SSA da pynman ki yei yakhih deiwa chong kyllaiñ myngngor ha madan Malki la khynde sngi.
Kiwa sikai da pynman ki yei yakhih yow pynbor ya ka sorkar wow pynkrehkaam noh yei pynku tulop yong ki 13,000 ngut kiwa sikai SSA.
Ini i lai toor kiwa sikai cha Secretariat toh hadien wa ka sorkar ym em khut yaklam wot hadien wa da pynman yakhih la 9 sngi.
U President ka seiñ, u Peter Thyrniang da ong u wym pyndam yei yakhih kat hadooh wa ka sorkar u e ko yei kular wa che hajrong i dawa yong ki.
U Peter da ong u wa ka Association daw chong yalang ko yow rai yei luti wow chim ki neini chakhmat heiyatoh wa ini i dawa.
Ka sorkar jylla daw emkaam ko wow pynlut sa kamwa Rs. 300 klur neibynta wow pynku ya ka tulop yong kiwa sikai SSA.
Ini i dawa yong ki toh nadooh u snem 2019 wot hadien 8 snem leh ym em leh iyi iyi hajrong ini i bynta. Kiwa sikai LP School da yoh tulop ki Rs. 19,000 katwa kiwa sikai UP da yoh ki Rs. 20,000.
Discussion about this post