Ka Sur Ki Nong Mawlai wa kynthup ya ka KSU, FKJGP wa ka HNYF ynne i step da lai toor ki syndet syndet hakhmat ka Secretariat wow dawa ya i bichaar hok hajrong i chah siat u C S Thangkhiew ha ka 13 tarik yong u bnai wa da dep.
Neiliang ki dkhot hapoh katai ka kynhun da rah ki leh deilang wa ki Placard wa da thoh ya i dawa bichaar hok wa kiwi ki thoh wow pynsñiaw yei pyrchah ya ka sorkar hajrong i dawa beh kreh chipor ya ki heh pulit wa emkti hei step yong ka 13 tarik Naisaphra.
Ki dkhot yong Ka Sur ki Nong Mawlai da kbai ki leh ya ka khubor wa kat wym pu pyndam kreh ya ki pulit wa emkti ym chong ngiah ki. Hadien wa da yoo yei lai toor yong ki dkhot ki 3 seiñ Ka Sur ki Nong Mawlai, neiliang ki bor pynlai District deilang wa ki pulit kiwa em hakhmat ka Secretariat, da khang noh ki ya ka khyrdop wei da phah ya kiwa yakhih wow mih noh na katai ka thaw.
