I pynphooh pynphieñ ya ki yung ki sem, ki luti syngkieñ, ki yungmane ha Jowai ha uni u snem da sariem lada ym pyntam i ya ki snem chwa wow wan ka khlam heiwa ki yaw ki haat leh man ki kiwa dap khatam ynne ka sngi chwa u poi ka Christmas da kiwa lai thied yeiwa emkaam wei ya iwa dang duna.
Ka la-ær da dap ko dei mynsien Christmas hawa lai wa wan hanla em hi ki kyndon yada na ka khlam wa da pynbna da sorkar wei ym pu yoh wow lehkmen laitlooid kam nachwa tangwa hawa pait yei dur i dar ki bru da dap dei kmen ki chi lok, chi jor, chi yung chi sem.
Hawa lai sakhi yei pynkhreh, i pynriam ka Balang Katholok Jowai toh iwa da yoosuk hadooh kattæ kattæ kiwa em harukom nadooh na thaw psaih cha ka yungmane kamjooh ha pchem ka yungmane wa da booh nadooh ki angel, ki khrik-khrak wa kiwi kiwa da chna kyrpang yow psiah chapoh ka yungmane.
Na ki dong kawa rap phooh toh ka Dongmihsngi kawa da chna kyrpang yow pynwandur yei thaw kha ya u khongboo Jisu. Kamjooh ha kiwi ki dong leh da booh ya ki dieñ Christmas ha rood sarok, ki khloor wa ki khri-khrak wei da em leh kawi ka yung wa da booh da i thaw wow wan chondur ki bru kiwa lai paitke yeiwa pynriam.
Katkam wa yoh yutip myntu i miet daw em ka yaseiñ pyrdi synyaw ha waroh ki Balang katwa mynstep ha Jowai daw em ka Christmas Carol du yong ka Balang Jowai donhi hadien wa wai ka yasieñ sngi kawa tbian kawa lai du na yungman hadooh Chutwakhu dep te dong biang.
Neiliang u Wyrta chim i leh ya kani ka kabu wow e khublei Christmas wa kyrpang yow man ko kawa dep dei maya dei kmen wa u snem thymme wa chngaaiñ wa pahooh ya phi waroh.
