Shillong: Ka Khasi Students’ Union (KSU) ha kini ki sngi da pynsñiaw biang ko yei pyrchah yong ka wow pynpoi ya ka luti rel ha Byrnihat hadooh ha Shillong wei kamjooh leh da dawa ko na ka sorkar wow pynkrehkaam ya ka aiñ Comprehensive Mechanism To Tackle Influx, ka Meghalaya Residents Safety & Security Act 2016, ka Meghalaya Benami Transaction Prohibition (Amendment) Act 2016 wei wow jied ya ki Entry & Exit Point hapoh ka jylla.
Ka KSU leh da phah ko wow thung da ki District Task Force yow pait wow sylli kamjooh wow pyntikna yei ktah kini ki aiñ ya ki paidbah khamtam ha ka Ri-Bhoi District.
Hei yatoh wa ka rel won da yieñ biang ki ha ka jooh ka yurim wow pyrchah ya ka, wei kam wow pynsakhiat yeini ka KSU Mawlai Circle da tympiah ko ya u mot u wa da booh da ka National Frontier Railways (NFR) hadien wa da dep leh ko ya ka survey wei yeini da leh hadien wa ka KSU Central Body da chim ko ya ka rai wa ym e laad u poi ka rel hapoh ha ka bri u Ynñiawtrep.
Ka KSU leh da ong ko wa hei yatoh wa u NPR wa u Aadhaar chwa wow pynkrehkaam ya ki emkaam wow pynsñiawthooh chwa ya ki paidbah yei rukom krehkaam yong ki.
Da pyntip leh wa ka wa ka Central Executive Council (CEC) ka KSU daw pynman ko ya ka General Executive Council on the 13.01.17 ha Khasi National Dorbar Hall Mawkhar.
Da khut lang leh ya waroh ki President wa ki General Secretary waphær waphær ki Unit wa ki Circle wow emlang ki ha ka tai ka sngi.
Discussion about this post