Ka JSU Khliehriat Circle hapoh i yahkhmat u President, u Livingson Sama, u General Secretary, u Ajoymenson Lyngdoh hei emlang u Vice President, u Winson Salahe wa kiwi ki dkhot ka seiñ, ynne ka sngi da yachem ki ya u DMHO wa u Medical Officer wow takit bniah ya i long i man ka Hospital ha Khliehriat kawa dang dep pynku kyrdan ha u snem wa dadep cha ka Civil Hospital Khliehriat tangwa kani ka thaw sumaar dang man ko kawa dang sahdien wot hadien wa dep pynku kyrdan cha ka Civil Hospital.
Ka seiñ dei chrai yei sahdien wei duna ka thaw sumaar da lai tymplæh ko ya i kyntien “Civil” wa em hei pyrtuid kani ka Hospital ynne ka sngi.
Da ong leh wa wot hadien kamwa 12 snem wa da yoh District ka thaaiñ tangwa ka sorkar ym em chimkhia ko wow pynbiang ya iwa emkaam ha kani ka thaw sumaar hanla boon ka dan wa yoh ka sorkar wa mih na kani ka District.
Chooh chooh da ong wa kiwa chong chnong neidaw wym biang kani ka thaw sumaar da hap lai phah sumaar ki chadooh cha Jowai Civil Hospital, Ialong wei ini ktah bha i ya ki paidbah.
Kamtæ da ong wa tang ya ka Civil Hospital leh ym ye u pynbiang kammon da thmu pathan ka sorkar wow wanrah da ka luti rel hapoh ka District.
Discussion about this post