Jowai: Hadien wa ym em wan kylliang ka MeECL ya u Transformer uwa wan pyndait thymme uwa da sih du hapoh chi bnai ki paidbah wa chong chnong ka Shangpung Moolibang (Pyrmai) ynne ka sngi da lai pynhaap ki ya u Barrel ha ka Sub-Station wa em hapoh ka chnong yow pyndooh bordiñ ya waroh ki chnong wa pynyoh bordiñ kani ka Sub-station.
Ki paidbah chong chnong ka Shangpung Moolibang (Pyrmai) da leh ki ya ini hadien wa hapoh chi snem da sih u Transformer la le sieñ.
Na ini i leh ki paaid ka chnong ka sjur RMSA Secondary School, ka Government Upper Primary School waka Government Boys Hostel da chah ktah ki.
Kam wow pynkynmoo ha u Naichiphaw uni u snem ki paidbah kani ka chnong da mut ki u leh ya ini i jooh tangwa da dam ki hadien wa kular u SDO ka MePDCL wow wan kylliang noh ya u Transformer iwa da leh u tangwa da sih noh u hapoh chi bnai.
Discussion about this post