Jowai : Ka GSU ha ka khubor wa pyllait ki da ong ki wa sñiaw diaw ki wa ya i kreh (Post) District Epidemiologist hapoh ka Integrated Disease Surveillance Program wa pynman da ka DHS heiwa ym em ki jait bru Garo wa yoh yeini i kreh.
Da ong wa ha kini ki sngi wa dooh kreh ki khynroo kyllood ini i leh ka sorkar toh iwa pait chiliang kamjooh iwa tyngkheiñ ya ka Reservation Policy.
Chooh chooh da ong wa hanlada em du ka wi ka jait bru Garo wa em hok u yoh yeini i kreh kawa da em ya ka Master Degree ha ka Public Health kawa dep pynbniah (Specialization) ha ka laiñ puræ Epidemiology na Manipal University, Karnataka kawa ym em chah jied.
Da em leh u wi wa yoh yeini i kreh uwa leh ya ka Specialization ha ka Maternal and Child Health iwa ym yahap wa i kreh wa thung ya oo.
Ya kani ka kreh da lait 7 tylli hapoh ka jylla heiwa 3 tylli toh hapoh ri-loom Garo tangwa ym em ki Garo wa yoh ya ini i kreh.
Kani toh katkam ka khubor wa pyllait da u Tengsak G. Momin, President, GSU CEC, Tura.
Discussion about this post