Tynyap chynnam ka bor district ya ka Myntdu dei wym pynkrehkaam ya ki hukum ka NGT: Sajay Laloo

Jowai: U Sajay Laloo uwa e mukotduma wow yada ya ka Wah Myntdu ha ka National Green Tribunal (NGT) da thoh u cha u Addl. Chief Secretary I/c Dept of Forest and Environment and Urban Devpt Department Govt of Meghalaya, Shillong heiwa da ong u wa tlot ki bor district ka West Jaiñtia Hills wow pynkrehkaam ya ki kyndon wa da booh ka NGT.

Da ong u wa hadooh katni ympu em iyi iyi wa kylla nadooh wow khang yei sait kari ki bru, i sait that, wa i tih chyiap na ka Wah Myntdu.

“Iyi wa eh ya ka bor district wow chna ko da ka Task Force wow li sonteri ya ini waroh heiwa ha ka miet ka 26 tarik uni u bnai heipor chiteiñ synyaw da chem ya ki artylli ki sumo wa sait kari ha Treriat Pamblah ha i thaw sait kari wa em hajan ka yingkieñ Myntdu wei ym em leh pynchitom ya ki” da ong u Sajay, iwa pynyoo wa ka bor district ympu em khang ya kini ki thaw sait kari da pynrap u Sajay.

Ha ka 24 tarik uni u bnai won da chem ya ka kari Mahindra Pickup kawa noh khyndaw ha rood ka wah myntdu heiwa da ong u leh wa hei miet dang boon kiwa kit chyiap na ka Wah Myntdu.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka tnat ka Urban Development Department deilang waka Public Works Department (R&B) Subdivision Urban ympu em chna ki ya ki thaw wow pynkhooid ya ki jakhlia yow lait ki u tooid cha ka Wah Myntdu khamtam katni wa da joor u slap.

Ini waroh da pyntikna wa suki suki da tynyap ya ka Wah Myntdu, kamtæ lada pynkrehkaam ka sorkar ya ki hukum ka NGT daw pynduna ko ya i por ka NGT hei wow chong bichaar ya kani ka kaam.

Da ong u leh wa ki bor pulit wa ki bor sorkar emkaam wow pynbna paidbah ki ya kiwa leh pyrchah ya kam kini ki hukum wei wow pynchitom ya ki kam ka nongmuna cha kiwi wow bood ki ya ki hukum sorkar kamjooh ki hukum ka NGT.