Tynyap ka manbei pyn ya i khon wa dang kha neidaw wa ieh u kurim ko

Jowai : Hadien wa da chem ya i khonboo wa chah noh ynnin ha Wahiajer, West Jaiñtia Hills, ynne ka 10 tarik ki pulit da yoh kem ki ya kawi ka bru kawa man leh ka bei yong ini i khonboo wa dang kha.

Da ong wa kani ka manbei toh kawa na Wahiajer hi, wei hadien wa kha ko ya ini i khonboo da tynyap ko ki deiwa kset ko yei khmut wei ktien i da ka that hadooh wa dooh sanget wei da yap noh i, wei da tlep ko ki hajan i kynroh yung ki.

Hadien wa da tlep ko ki, da em ki ksaw kiwa da khloh ya ini i thaw heiwa da chem ki bru ya ini i khonboo.

Kani ka manbei toh kawa 35 snem i rta wei da em khon ko ar ngut, kiwa 5 wa 8 snem i rta.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U kurim ko uwa na Wahiajer hi da ieh u ka wei ym em de u pait u yoo u ki, wei neidaw wym joh wym dap de ko wow psa ya ini i khonboo da leh ko yeini i kaam.

Ya kani ka bru da chem dien hadien wa yoh yutip na ka CHC wa pun-khon ko wei da suba wa ini i khonboo toh i yong ka wei hadien wa kem ya ka da phla ko yeiwa da leh ko. Da ong ko leh wa ya i khon da kha ko samen samen ha yung.

Ki pulit da kem ki ya ka wei da leh ki yeiwa emkaam hei yatoh weini.