Jowai : Ynne i janmiet heipor kamwa 4:30 da em i yatyrrah kari ha Mihmyntdu Lumpyrtuh hajan ka Yungmane Catholic.
Ha ini i jia ka wi ka kari Maruti Alto 800 wa em u No. ML O4 C 3351 kawa yah da u Thikmiki Iakai uwa 32 snem wa wan na Jowai wei kawa lai cha liang Shangpung, manda poi u heini i thaw da chah tyrrah ka kari u ha ka Maruti Car 800.
Kani ka Maruti Car toh kawa em u No. ML 04 A 3573 kawa yah da u Rishanmiki Lamare uwa 25 snem i rta uwa wan na Thangriang wei thmu u wow lai cha Jowai.
Kiwa sakhi da ong ki wa uwa yah ka Maruti Car da thmu u wow chim pass (overtake) ya ka kari kawa ha phrang u wei heini da tyrrah wot u ya ka Alto.
Hadien wa takit ki pulit yeini da chem wa uwa yah ya ka Maruti Car da muaid u ha ini i jia wei uwa chong hapoh ka Alto ya uwa tip kam u Rajesh Kumar Jha na Shangpung da mynsoo u malum malæ wei da kit kiwa hayung u wow yoh u yei sumaar.
Discussion about this post