Tyrrah ka Night Super ya ka Thukthuk yap uwi mynsoo joor sa uwi

Jowai : Ynne ka sngi 1 tarik Naiynñiaw heipor kamwa 12:30 i sngi da em i chah tyrrah kawi ka thuk-thuk wa ka bus Night Super heiwa uwa yah thukthuk da yap u katwa u lok u da mynsoo joor u.

Kani ka Nightsuper kawa em ya u No. AS 01 DD 1157 ka wa wan na Guwahati da tyrrah ko ya kawi ka thuk-thuk wa em u No. ML 05 J 7437 kawa wan na Changpung wei ini da jia i ha Soomer hajan wa mih u sarok Byepass wa thymme.

Ha ini i jia ya arngut kiwa chong ha kani ka thuk-thuk da tip kam u Phrangki Tangliang u khon u ma (T) Mih Shadap na Iooksi wa u Khreh Shylla u khon u ma Bren Sumer na Iooksi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kini ki ar ngut da pynkit bran bran cha Civil Hospital katwa ya u Phrangki katwa mynsoo joor u da pynkit ya oo cha NEIGRIHMS da ka Ambulance 108.

Ka khubor wa lat da ong wa u Phrangki da khlad u ha chiteiñ luti ha Ummulong hapyrdi wa dang kit ya oo cha NEIGRIHMS.

U Phrangki toh uwa krehkaam chipai (Indian Army) wei da wan chnong wow pyndep yei kaam niam ha ka 30 Naiynru ya u pa yong oo uwa da khlad.