Tyrrah ka taksi yei yung bru wa chah bom ha ka Pick-up nadien

Jowai : Ynne i sngi heipor kamwa 11:30 chiteiñ sngi da em i jia wa phylla iwa da jia ha Lad Mooralong, Jowai.

Ini i jia wa phylla man i hadien wa kawi ka kari ka local taxi (Maruti 800) kawa em ya u number ML 04A 0906 da chah tyrrah ko nadien ha kawi ka Bolero Pick-up wa em ya u number ML 04B 2083.

Katwa da joor ware i bor wa chah tyrrah ka taxi da ngam ko cha iwi i yung iwa em harood surok iwa em ar le tylli ki dukan. Kini ki dukan da embhah ki neibhah wa da kah wei da ksoh ya kani ka taxi da u chrot ini i yung.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa sakhi yeini da ong wa ini da jia i hadien wa ka taxi thmu ko u booh harood surok yow kit bru ko tangwa syndet syndet kani ka Bolero Pick-up da tyrrah ko ya ka nadien hadooh wa da siet ko cha kani ka yung.

Embhah wa ha ini wa da jia ym em iwon iwon iwa sniawsih wei ym em wa mynsoo.