Jowai : Ynne ka sngi heipor kamwa 1 waje i sngi kawi ka trok 12 chaka da tyrrah ko ya kawi ka Tata Sumo, kani ka Sumo kawa neidaw i bor wa chah tyrrah ko na dien da tyrrah won ko ya ka Maruti Eeco wa em ha khmat ko heijooh i por kani ka truck da syngkhood won ko sa ya kawi ka truck hadooh wa liat ko cha dooid (Side-drain).
Katkam i ong u tre kari ka Maruti Eeco u ma R. Phawa ka kari yong oo toh ka wa mut u khlaad cha ka laad wa em harood u NH-44 hei bynta i thaw wa tip kam i Moopyllaitsyiar, ha chwa u dong ki cha kani ka sarok ka kari yong ki kamwa chah kujai da poi ki charood katwa ka sumo kawa chah tyrrah nyngkong nei bor wa khlan wa dat ka truck ko da tyrrah ko ha uwi u dieñ.
Yoosar heini i ya tyrrah kari ka truck 12 chaka da pynhær bha ko wei manda poi ko ha jan ka sumo ym ye de ko u brake wei da dat ko mam ha ka sumo katwa heijooh i por leh da wan sa ka wi ka truck ka wa wan neiliang pyrchah ya kani ka truck heiwa kani truck 12 chaka da syngkhood won ko ya kani ka truck hadooh wa hap ko cha u dooid wa em ha rood sarok.
Ya kani ka truck 12 chaka da yoh u kem ya ka ha Mukhla da ki pulit ka Ummulong Police Outpost.
Kani ka truck toh ka wa wan na jylla Mizoram wei ka wa kit Kwai yow li booh cha Nagpur, Maharashtra.
Heini i jia embhah wa ym em wa mynsoo joor wei em du kattu katni ngut heh kiwa takha.
Discussion about this post