Jowai : Ha ka miet yong ka 28 tarik heipor kamwa 9:15 kawi ka truck 6 chaka ka wa kit Clinker kawa wan na Lumchnong da li tyrrah ko ya ka thaw yieñ ki pulit kiwa pyllai kari iwa em ha laad wow lai cha KNGC hadooh wa da pra i la phrai næ.
Heipor wa tyrrah kani ka Truck da em arngut ki pulit wa em ha ini i thaw yieñ tangwa embhah ym em mynsoo neidaw ka kynthiar ki ha chwa wow yoh kani ka truck u tyrrah ki.
Kani ka Truck da yut ko wut wut neini i thaw. Ki Police da pynsangeh ki da ka wi ka kari kamai tourist ka TATA Indigo yow kdong ya kani ka Truck wei da yoh u chim pass ya ka chwa u poi ha Ummulong.
Ha khmat ka Ummulong Police Beat House ki pulit da phah khang sarok ki yow pynsangeh ya kani ka truck deiwa booh artylli ki barricade. Ya ka kari TATA Indigo da pynyieñ ya ka ha kylla kini ki barricade neiliang timun wei em kawi ka truck dumper ha khmat yong ka.
Heipor wa wan ka truck wa mut ki police u pynsangeh, kani ka Truck da pynhær bait ko na khap ki barricade wei da li tyrrah ko ya ka TATA Indigo na dien kawa da sied won ha ka Truck Dumper wa pynyieñ ha khmat yong ka.
Heini da yoh u kem ya kani ka Truck wa em ya u Number AS 01 CC 0099 kawa da yah da u Biswajit Singha uwa da dep dih Beer ha chwa u yah u ya kani ka Truck.
Discussion about this post