Jowai : Ynne ka sngi ha Khliehmuchut Shangpung heipor 2:30 nohchariñsngi ka wi ka trok wa em i number AS-01 M 6230 ka wa na Assam wa yah da u wi u bru na Muthlnong da ku ko ya ka thaw lai kjat (footpath) wei da tyrrah ko ya iwi i yung wa em ha rood surok.
Katkam i pyntip ki bru wa sakhi yeini i jia da ong wa kani ka trok da pynher smat bha ko heini i thaw wa dong wei da yait ko ya kawi ka kari wa wan pyrchah ya ka tangwa joor ware i pynher kari da ku ko yei thaw lai kjat wei da haap ko dei chrooh kamjooh leh da tyrrah ko ya i wi i yung ka kong H. Wann.
Hei yoh yaklam wa ka kong Wann da ong ko wa ym em wa mynsoo hapoh i yung hei por wa jia ini i tyrrah kani ka trok ya ini i yung ko.
Da pyntip ki tre chnong wa u dribar kani ka trok da yut u hadien wa jia ini katwa u handyman da mynsoo ha ka kjat u wei da kit ya oo cha Civil Hospital ha Ialong.
Discussion about this post