Uwi u bru da haap u na ka thuk-thuk hadien wa jia i ya tyrrah kari ynne ka sngi ha i thaw wa tip kam i Ryndangbriew ha thaaiñ Mawiong u sarok Shillong-Guwahati.
Katkam ka khubor wa da yoh na ki pulit da ong wa ini i jia tyrrah kari da jia i heipor kamwa soo duna hadooh soo waje wei katkam wa khana ki bru wa yoo yeini wa jia, uni u bru da yah u ya kawi ka thuk-thuk Pulsar kawa em ya u Number ML-05V-6580 wei da lai tyrrah hi u ya kawi ka Sumo nadien.
Da khana wa hadien wa tyrrah da haap u ha madan wei da suba wa ini da jia i neidaw wa yoh kjut syndet-syndet u heipor wa dang yah u ya ka thuk-thuk.
Neiliang ki pulit da pynman ki yei takit wei ki paidbah da pynkit ki oo wut-wut cha Shillong Civil Hospital.
Hadooh wa pymih ya ka khubor ym pu tip hadooh katwon mynsoo uni u bru.
Update: Ka khubor wa dang yoh da ong wa da khlaad noh uni u bru hachwa wow poi Hospital.
Discussion about this post