Tyrwa ka High Level Committee wow pynman ya kawi ka Election heijooh i por hapoh ka ri

Chwa ka Election Lok Sabha 2024, ka High Level Committee wa yahkhmat da u President warim ka ri, u Ram Nath Kovind da lai e ki yaka Report hajrong ka ‘One Nation, One Election’ cha ka President, ka Droupadi Murmu ha Rashtrapati Bhavan ynne ka sngi.

Kani ka ‘One Nation, One Election’ toh i thmu ka sorkar wow pynman kawi ka Election heijooh i por hapoh ka ri wei kani ka Report wa da e kti toh kawa em 18,626 tylli ki sla kawa da pynmih hadien wa da lai yachem wa kiwa boon ki bru hapoh ka ri iwa da leh ha ki 191 tylli ki sngi hadooh wa da thung ya kani ka Committee haka 02-09-23.

Kani ka Report da ong ko wa deiwa pynman kawi ka Election daw wanrah yei khooid wei daw pynsuk wei daw wanrah yei chaniah ki paidbah.

“Boon bha kiwa kyrchaan yow pynman Election heijooh i por iwa daw wanrah yei yatylli haka imlang sahlang yow pynskem ya ki yurim ka riti synchaar paidbah yow wanrah leh yei angnooh wow pynyoo wa ka India toh ka Bharat.”

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Ha u bnai nyngkong uni u snem, ka Law Commission of India da ong ko wa iwi na iwa eh wow leh yeini toh yow wanrah yei pynkylla haka riti synchaar nam ka Constitution yow ye u pynman kawi ka Election ha waroh kawi ka ri.

Kani ka ‘One Nation, One Election’ toh yow pynman heijooh i por ya ki Election MLA wa Lok Sabha.

Kani ka Committee da ong ko wa iwa eh wow leh yeini toh wa em kamwa 18 tylli ki jylla kiwa phær i por pynman Election MLA waka Election Lok Sabha.

Nyngkong dooh yow wanrah da kani ka One Nation, One Election toh iwa da tyrwa ha u snem 1983 tangwa hadooh u snem 1967 da pynman Election MLA wa MP heijooh i por.