Ynne ka sngi ka JHADC ha ka Dorbar Mang Tangka, da wanrah ko yei tyrwa pynkylla namo ka Amendment Bill ya ka Jaiñtia Hills Autonomous District “Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong Act 2015″.
Ya ini i tyrwa pynkylla ya ka aiñ da wanrah da u CEM ka Council u Thombor Shiwat.
Katkam wa man i pynkylla ya ka Bill u kynthup i ya ka Section 4 Sub-Section (2) wa (3) ya ki wow man kam ki Sub Section (3) wa (4) deiwa pynchiap thymme ya ka kyndon Sub Section (2) kawa ong wa i bai pynman Election Dolloi toh u lut salonsar hapyrdi ka District Council wa ka Dorbar Elaka (The cost of election shall be equally borne by the Dorbar Elaka and the District Council).
I tyrwa wa ar man i heiyatoh wa ka Section 13 heiwa lada thylli ka chuki u Dolloi/Sirdar, ka Executive Committee ka Council ye ko wow thung ya ki sahep wow pait ya ki kaam synchaar hapoh ka Elaka kamwa ar bnai tangwa katkam ka aiñ da pyndam noh ya ki ar bnai. (… and the words “and such period shall not be more than 2 (two) months” shall be deleted).
Ha i pynkylla wa le won ha ka aiñ toh ya ka Sub-Section (1) ka Section 23 kawa klam heiyatoh wa i rukom jied Waheh Chnong wa toh u man i kamwa da pynjooh nachwa ha katu ka chnong namo “in accordance with the existing custom and tradition prevailing in that village”.
Sa kiwi ki pynkylla man ki wa yatoh wa i e bor ya ki Dorbar Chnong wow chim ki ya ka rai heiyatoh wa ki bai kot bai sla katkam wa yoobiang ki.
Discussion about this post