Tyrwa ka Jowai Diocese cha ka sorkar ya ki 18 tylli ki skur kam ki Isolation Centre

Jowai: U Bishop yong ka jylla niam Jowai (Jowai Diocese) u Most Rev. Victor Lyngdoh DD wa ki paaid wa ngait yong ka Diocese kiwa sñiawkhia hajrong i poor u khñiang COVID-19 ha kylleiñ ka pyrthai wei boon kiwa chong chnong yong ka ri India leh da chah ktah na uni u COVID-19 (Coronavirus), han lada uni u khñiang ym pu yoh u wow psiah khlieh hapoh ka jylla Meghalaya, tangwa neiliang u Bishop wa ki paaid wa ngait ka Diocese da chim khia ki ya kani ka kaam wow ya krehlang wa ka sorkar.

U Most Rev. Victor Lyngdoh DD ha i synran lang u Phadar Manbha Pakem, uwa man u Director yong ka Jaiñtia Hills Development Society, Jowai Diocese, u M.M. Thaiang wa kiwi da lai yachem ki ya u Deputy Commissioner ka West Jaiñtia Hills District u Garod L.N.S. Dykes ha kamra krehkaam yong oo ynne ka sngi. Ha ini i lai yachem, neiliang ka Jowai Diocese ym du wa ya krehlang wa ka sorkar, da tyrwa leh ya ki 18 tylli ki School kiwa em hapoh ka Diocese, kitæ ka Syiem Jingsuk Secondary School Amlarem, St. Mary Mazzarello Higher Secondary School Jowai, Tome Memorial Secondary School Jowai, Little Flower Secondary School Ummulong, Khrist Syiem Secondary School Namdong, Lum Assisi Secondary School Khanduli, St. Peter Secondary Barato, St. Dominic Higher Secondary School Mowkyndeng, St. Claret Secondary School, Mooksiang (Phramer), Holy Cross Higher Secondary School Umkiang, Divine Word Secondary School Lumshnong, Khliehriat Higher Secondary School Khliehriat, St. Anthony College Byndihati, Good Shepherd Secondary School Ladrymbai, Holy Trinity Secondary School Sutnga, St. Peter Secondary School Iongkaluh, Tluh Secondary School Tluh waka Auzilium Secondary School Lamarsiang wow man kam ki Isolation Centre lada ka sorkar emkaam ko.

Nalor ini i tyrwa ya ki 18 tylli ki skur kam ki Isolation Centre, ka Diocese da pynbiang ko leh ya ki 5000 tylli ki Mask. Ha i jooh i por ka Jowai Diocese da lai e ko ynne ka sngi cha ka Chief Minister COVID-19 Relief Fund da T. 3,00,000 kam ka dak wa ya krehlang wa ka sorkar wow yakhun pyrchah ya u COVID-19.