Ka Meghalaya Sport Climbing and Mountaineering Association (MeSCMA) da pyntip ko wa da tyrwa ko ya i pyrtuid u Teimiki Sungoh uwa na Shangpung, West Jaiñtia Hills wow chimbynta ha ka Advance Mountaineering Course ha Himalayan Mountaineering Institute (HMI), Darjeeling.
Kani ka e sikai u sdang ko nadooh 1 tarik uni u bnai hadooh ka 28 tarik uni hi u bnai wei da kyrchaan poisa ya oo da ka Directorate of Sports and Youth Affairs, Govt of Meghalaya.
U Teimiki da pyndep u ya ka Basic Mountaineering Course na National Institute of Mountaineering wa na Allied Sports (NIMAS), Arunachal Pradesh deiwa yoh ya ka kyrdan Grading “A” kawa heh dooh ha ki kyrdan ku loom.
I tyrwa pyrtuid ya u Teimi toh emkaam wow man u u bru uwa khlan hei doh i pran kamjooh hei thij i pyrkhat wow ye u ku ya ki loom-bah (Mountaineer).
