Haka chithi wa thoh u Principal Secretary, Education Department ka sorkar Meghalaya cha ka Executive Chairman ka MBOSE ynne ka sngi da pyntip yaki rai wa da chim hadien ka yalang wa u montri ka chnat puræ puthi kiwa pynman haka 20 waka 21 tarik uni u bnai.
Da chim yaka rai wa ka chnat daw pynbiang ko yaki Curfew Pass ya kiwa pynbait (Evaluators) ya iwa da thoh Exam (Answer Script) ki khynnah khnang yow sdang noh ya kani ka kaam.
Lada em kiwa emkaam wow wan na kiwi ki District cha Shillong lane kiwa hap wow lai cha Tura daw pynbiang yaki Inter District Pass.
Waroh i Evaluation toh u pyndep haka 31st May, 2020 wa kynthup yaki Subject kiwa ym pu em yoh u pynman Exam.
Yaki Exam wa dang sah toh u pynman nadooh ka 20th May, 2020 (soo sngi). Iwa toh u pynbait daka MBOSE.
Heiyatoh won waka Syllabus ki khynnah skur, ki sahep ka DERT toh u chna ki yaka Academic Calendar neibynta ki bnai wa dang sah uni u snem.
Da tyrwa wow pynduna yaki chuti por lyiur (Summer Vacation) kamjooh ki chuti Puja.
U pynman yaki sngi Saturday kam ki sngi chiteiñ sngi yow pyndap yaki sngi wa da dooh.
Da tyrwa leh wow booh yaka 15th December kam ka sngi wa khaddooh wow kreh wei u sdang ki Final Exam haka 16th December kiwa toh u pynkut haka 23rd December 2020.
Ka MBOSE waka DERT daw jied ki kiwon ki bynta ki Syllabus wa ye u pynkhreh pyn daki khynnah hi (Self Study).
Da tyrwa leh wa lada emkaam, daw phah yaki Answer Script cha Shillong ya kiwa ym ye wow wan cha Tura yow leh ya ini i kaam.
Discussion about this post