U Chief Minister ka jylla, u Conrad K Sangma ynne da tyrwa u da ka Crash Course wow hikai yei ktien Khasi Jaiñtia ya ki MLA na Garo Hills wei wow hikai ya ki MLA na Khasi-Jaiñtia Hills wow tip yei ktien Garo.
Da ong u wa man iwa miat wow pynman Class ya ki MLA næ ka Crash Course wa 10-15 sngi wow tip u klam ya kini ki ktien i wow man iwa bha.
Ini da ong u hawa jubab yeiwa kylli u MLA ka TMC, u Dr. Mizanur Kazi, uwa da kylli i daw wa pynman ya ka sorkar wow emkaam u tip Khasi næ Garo ha ki kreh District Selection Committee (DSC) heiwa da ong u wa kamni daw ktah ko ya ki khynroo na ri thor ka Garo Hills heiwa tlot i tip ki yei ktien thylliej.
Hajrong ini, u Conrad da ong u wa i daw wa booh ya kani ka kyndon ymtoh wow kyntait ya kiwon kiwon.
Da ong u wa lada ym tip ki yei ktien Garo wa Khasi, daw thut hei chakri ki ya ki paidbah ka thaaiñ wow kreh ki.
U Conrad da kdaw u leh ya i rai ka Cabinet wow emkaam u puræ Khasi wa Garo ha ki Primary School, heiwa da pynkhreh ya ki kot puræ yeini.
Discussion about this post