Ka Meghalaya da rem ko haka Bihar da chi Innings wa 197 Runs ha ka yalehke wa nyngkong yong ki haka U-16 Vijay Merchant Trophy ha Vadodara ynnin ka sngi.
Ha ka sngi chwa, ka Meghalaya da haap lut ko deiwa kamai 90 Run heiwa ka Bihar da jubab ko da 210/4 hadooh wa kut ka sngi.
Ynnin, ka Bihar da lai ko wow kamai 359 Run deiwa dooh lut ki Wicket wei da pynhaap biang ko yaka Meghalaya kawa ye u kamai du 72 Run haka Innings wa ar.
Lait na ki ar tylli ki kamai chi lok ka Meghalaya ym em jubab ko.
U Gaurav Jyoti Thakuria da yoh u 4 Wicket deiwa e 67 Run, katwa u Angkit Tamang da yoh u 3/71. Da yoh leh mar chi Wicket da u Jarrett M Wanniang (1/33), u Benedict Jones Makdoh (1/60) wa u Da U La Biang Shangpliang (1/86).
Haka Innings wa ar, u Justin Fancon da kamai boon Run dooh u sa chisien heiwa ha kani ka kynti da yoh u 21, u Kishlay Vishlux 19, u Rudra Singh Rathore 12 wa u Tamang 10.
Ka Meghalaya kattu daw yachem ko waka Gujarat nadooh ka 6 tarik.
