Soo ngut kiwa Bat ka Meghalaya da kamai ki palat 50 Run yow pynpoi ya ka jylla palat 300 Run ha ka Innings wa ar ka U-19 Cooch Behar Trophy (Plate Group Match) pyrchah ya ka Nagaland ha Bhubaneshwar ynne ka sngi.
Ka Nagaland da tam ko da 11 Run hadien wa Innings wa nyngkong ynnin ka sngi. Ka Meghalaya da yoh ko 112 (All Out) ka Nagaland won 123 (All Out). Ka Meghalaya won ha ka Innings wa ar da yoh ko 303 (all Out). Ini mut i wa ka Nagaland da emkaam ko wow yoh 293 yow jop ha ka sngi wa le iwa mut da yoh por ar sngi.
Ynne, u Sachin Kumar (74), Kevin Christopher (66), Rohit Yadav (61 Not Out) wa u Mrinal Das (57) waroh da yoh ki ya ka chiteiñ spah.
Ka 303 ka Meghalaya da man ko ka sien wa ar ha kani ka samoi wa poi palat 300 Run.
Hadien wa haap smat ki ar Wicket, u Das wa u Kumar da kamai lang ki 80 Run neibynta ka Wicket wa le heiwa u Kumar wa u Christopher da kamai lang ki 108 Run neibynta ka Wicket wa soo. Hadien ini da haap sa soo Wicket deiwa kamai du 10 Run, heiwa u Yadav da neh u hadooh wa kut, wei oo wa u No. 11 Manish Sharma (11) da kamai ki 68 neibynta ka Wicket wa khaddooh.
