Kiwa Bat ka Meghalaya daw hap ki ku ya u loom wa heh manda pteiñ ka sngi wa le ka yalehke wa nyngkong yong ki ha ka U-19 Cooch Behar Trophy pyrchah ya ka Uttarakhand ha Mangaldai, Assam.
Ka yalehke toh kawa sdang ynnin ka sngi heiwa da pdiang sñiawbha ya ka jylla da kiwa yahkhmat ha ki kaam yalehke kani ka thaaiñ (da pynyoo hei dur).
Ka Uttarakhand da jop ko ya ka kylla-khlem wei da jied ko wow kawang bol nyngkong heiwa ka Meghalaya da kamai ko 96 Run donhi. U Mrityunjay Bharali da kamai boon dooh u da 43 (9x4s) tangwa kiwi ym ye ki wow neh slem wow pynyoh lok oo.
Ka Uttarakhand da kamai ko da 556/8 deiwa sangeh heipor wa dih cha heiwa u Captain, u Shaswat Dangwal da kamai u 202 Run. Na kiwa kawang bol ka Meghalaya da yoh Wicket u Raghav Magotra 3/133 na 32 Over, u Gavineal Marpna da yoh u 2/104, u Banialam Mylliemngap (1/69), u Navin Kumar Ray (1/77) wa u Charm Marbaniang (1/102).
Ka Meghalaya da emkaam ko sa 461 Run yow phah Bat biang ya ka Uttarakhand, wei hawa kut ynne ka sngi wa ar, ka Meghalaya da kamai ko 50/2 deiwa bood da 410 Run. U Bharali ha kani ka kynti da yoh u nod katwa u Mrinal Das da kamai u 34 na 24 bol (6x4s). Kiwa dang Bat toh u Avinash Rai (6 Not Out) wa u Shavian Blah (4 Not Out).
