Ka Tura District Cricket Association da jop ko yaka East Garo Hills katwa ka Shillong CA (A) da jop ko yaka All Jaintia CA haka U-23 Boys Inter District Cricket Tournament ynne wa pynman daka Meghalaya Cricket Association.
Haka Zone 2, ka Tura da jop ko yaka kylla khlem ha Mendipathar wei da jied ko wow Bat nyngkong deiwa kamai 144/10 na ki 38.4 Over. Deiwa kamai boon dooh u Pringstar S Sangma (31). Na kiwa kawang bol ka EGH da lehbha u Suresh Basfor 4/35 wa u Sanjay G Momin 2/27.
Hawa kdong ya ka thong, ka EGH da lehbha da u Subham Gupta (60), wa kynthup ya 8×4 wa 3×6 deiwa yarap lang u Jakim Jasera Marak (18), wa 13 Not Out da uwa nat hei 11 u Sanjay tangwa ym ye wow pynjop ya ka EGH kawa da yoh 123 deiwa dooh lut ya ki Wicket iwa mut da rem ki da 21 Run. U Man-of-the-Match, u Brian Lara M Sangma da yoh u 4/24 daka bol, u Alpriang D Sangma (2/24) wa u Manish Sharma (2/36).
Ha ka Group A ka Zone 1, ka SCA (A) da jop ko da 7 Wicket yaka AJCA.
Ka AJCA da jop ko yaka kylla khlem wei da jied ko wow Bat nyngkong deiwa kamai 235/9. U Ebormitre Sutnga da yoh u 75 na 82 bol (9×4, 3×6), deiwa yarap u Mewada Shylla (42) wa u Defender Dhar (30). Na kiwa kawang bol kiwa lehbha toh u PM Santhosh (2/35), u Jaskirat (2/39) wa u Aaron AR Nongrum (2/48).
U Man-of-the-Match Avinash Rai da pynjop u yaka SCA (A) deiwa kamai 114 (13×4, 4×6) na 114 bol. Da yarap lang da u Jaskirat (56) wa u Mrinal Das (36). Ya ka AJCA da yoh Wicket u Saunihi Patwet 2/69 tangwa ka Shillong da jop ko deiwa yoh 238/3 na ki 34.1 Over.
Mynstep daw em du kawi ka yalehke ha ka Group B ka Zone 1 heiwa ka East Khasi Hills daw yachem ko waka South West Khasi Hills.
