Shillong: Ka Meghalaya da chah pynbor biang ko wow Bat sa chisien (Follow-on) haka sngi wa ar ka U-23 Col CK Nayudu Trophy pyrchah yaka Puducherry wa pynman ha Puducherry ynne ka sngi deiwa emkaam sa 285 Run yow phah Bat biang yaka liang pyrchah.
Deiwa pteiñ na 380/7, ka Puducherry da haap lut ki Wicket ko hadien wa kamai ko 445 Run. U Anish Charak da yoh u wow pynhaap ar tylli ki Wicket heiwa ynnin da pynhaap u 5 tylli yow yoh u waroh 7/79.
Hawa jubab, ka Meghalaya ym ye ko wow kamai Run kamwa kwah ko lait na u Yogesh Tiwari uwa yoh 54 Run heiwa da pynkut ko deiwa kamai 120 Run (All Out) wei da phah Bat biang yaka.
Hawa leh yaka Follow On, u Kishan Lyngdoh wa u Ibitlang Thabah da neh ki da 16 Over chwa wow haap u Thabah da 16 Run. U Lyngdoh da neh u hadooh wa kut ka yalehke ynne ka sngi deiwa kamai 10 Run wei ka Meghalaya daw pteiñ biang ko na iwa kamai ko ynne da 40/2, iwa dang bood da 285 Run yaka Puducherry.
Discussion about this post