Shillong: Ka Meghalaya da jop ko da 58 Run yaka Sikkim kawa da hap kreh chitom bha haka sngi wa soo ka U-23 Col CK Nayudu Trophy ynne ha Guwahati.
Deiwa emkaam 349 Run, hadien wa pteiñ na 31/2, ka Sikkim da yakhun ko da iwa toh rukom deiwa yarap ka spah Run na u P. Parth.
Ka Sikkim da sdang ko deiwa dooh yaka Wicket wa le pyn haka bol wa le ka yalehke hei step kawa yoh da u Elchiang Ch Momin.
U Roshan Warbah won da yoh u ya ka Wicket wa soo pyn haka Over wa bood yow pynkyllooh yaka Sikkim da 32/4, tangwa ka kamai lang 76 Run u Parth wa u Mohammed Shahbaz (43) da pynim biang yaka kamai Run ka Sikkim.
U Shahbaz da haap u ha u Kishan Lyngdoh tangwa u Parth da pteiñ u deiwa yoh yarap na u No. 10 u Saurav Kumar Prasad, uwa da pyndik yaka Meghalaya deiwa kamai 33 Run.
U Parth ha iwi i por da yoo wa daw ye u wow pynjop samen yaka Sikkim tangwa da chah Stump u da iwa kawang bol u Anish Charak hadine wa kamai u 179 Run na 166 bol yow ye ka Meghalaya wow jop.
U Momin da yoh u 3/52, u Charak 3/84, u Himan Phukan (2/63), u Warbah (1/25) wa u Lyngdoh (1/37) toh kiwa yoh u pynhaap Wicket.
Discussion about this post