Shillong: Ka Meghalaya da ye ko kat wow pyntam haka Innings wa nyngkong yaka Nagaland haka yalehke U-23 Col CK Nayudu Trophy wa pynman ha Golaghat, Assam, ynne ka sngi.
Deiwa pteiñ na 69/1, 123 Run nadien iwa kamai ka Nagaland haka Innings wa nyngkong wa 192, ka Meghalaya da haap lut ki Wicket ko da 201, iwa tam da 4 Run donhi.
U Kishan Lyngdoh, toh uwa dang Bat hadooh ynnin (16 Not out) da yoh u 63 Run hadien wa haap ka Wicket u ynne. Deilang wa u Rohit Shad (36) da kamai ki 76 Run yaka Wicket wa ar, tangwa i smat haap ki Wicket da yoo lakam wym ye ka Meghalaya u pyntam yeiwa kamai ka Nagaland. Tangwa ki 34 Run na u Akash Kumar Choudhary da pynye ko yaka Meghalaya wow kamai 200 tam.
Kiwa kawang bol ka Meghalaya u Elchiang Ch Momin wa u Anish Charak da pyndik biang ki yaka Nagaland haka Innings wa ar deiwa pynhaap Wicket pyn haka Over wa nyngkong lyngba u Momin. U Charak da pynhaap u ar Wicket, hadooh wa kut ka yalehke ynne ka sngi da yoh ka Nagaland 140/5.
Discussion about this post