U Lamphang (Speaker), u Thomas A Sangma da ong u wa iwa kylli u Adelbert heiyatoh wa i chah kyrriah thaw chong u hapoh ka yung dorbar man ko kawa toh neibhah oo man u kam u MLA ka Voice of the People Party (VPP).
Hawa pdiang wa em i lehbakla neiliang ka Assembly Secretariat, u Thomas Sangma da ong u wa yeini daw pynbait wei u Adelbert daw chong u hei thaw wa jooh chong hi u.
Hawa kylli, da ong u wa u Adelbert dang man hi u kam u dkhot ka VPP Legislature Party hanla da chah Suspend u. U Lamphang da ong chooh chooh u wa da yoh pdiang ya ka chithi na ka VPP wa da beh seiñ chipor ya oo, tangwa u Adelbert leh da ujor u cha oo wa ha ka chithi beh seiñ chipor ym em da thoh wa oo toh u MLA.
Kam wow pynkynmoo wa u MLA ka North Shillong, u Adelbert Nongrum ha ka sngi sdang ka Dorbar Synrai da paan pynche u na u Lamphang hajrong i chah kyrriah thaw chong u hapoh ka yung dorbar chna aiñ ynne.
Discussion about this post