Ka sorkar Meghalaya Democratic Alliance (MDA-II) daw kylliang noh ko ya ki Montri sorkar mynstep ka 16 tarik wei katkam ka khubor wa da yoh u pynlum punlang, da chah pyndooh chuki hadooh 8 ngut ki Montri sorkar wei ha ini i kylliang sorkar, ka Ri-Bhoi District daw yoh ko ya uwi u Montri.
Ka khubor wa da tikna da ong wa ki MLA wow baam smai mynstep ka sngi kam ki Montri thymme ha ka sorkar MDA-II kynthup ki ya u Deputy Speaker warim uwa man u MLA ka Resubelpara, u Timothy D Shira, u MLA ka Dalu, u Brening A. Sangma, u MLA ka Jirang na Ri-Bhoi, u Sosthenes Sohthun, u MLA ka Jowai, u Wailadmiki Shylla, u MLA ka Mawshynrut, u Methodius Dkhar, u MLA ka South Shillong, u Sanbor Shullai, u Speaker warim uwa man leh u MLA na Mairang, u Metbah Lyngdoh wa u Montri warim uwa man leh u MLA na Amlarem, u Lahkmen Rymbui.
I pynsmai ya ki Montri wa thymme toh hadien ar snem chiteiñ ka sorkar MDA-II, wei ki Montri wa da chah pynhiar chuki toh u AL Hek, u Shakliar Warjri, ka Ampareen Lyngdoh, u Kyrmen Shylla, u Comingone Ymbon, u Paul Lyngdoh, u AT Mondal wa u Rakkam A Sangma.
Discussion about this post