U President ka Bharatiya Janata Party (BJP), u Ernest Mawrie da ong u wa ym pu em ki kyrtong wa paan ticket wow yakhun Election MLA na ka BJP ha Tura lait noh u Bernard Marak.
Da ong u wa ka Party ympu pynskem ko ya uwon uwon wow man kyrtong tangwa hadooh katni du u Bernard donhi wa dang paan Ticket wow yakhun na Tura.
Kam wow kdaw heini, u Bernard N Marak mar mih u na patok ha ka 16 tarik da pynbna u wow yakhun ha ka Election MLA na South Tura pyrchah ya u Montri Rangbah ka jylla, u Conrad Kongal Sangma.
Heiyatoh wa i chah kem wei i lait noh u Bernard na patok, neiliang yong u Mawrie da ong u wa ym kwah u wow klam iwon iwon hajrong ini wei chong i ha i rai ka kasari, wei da pynche u leh wa i yoh jamin u Bernard toh hajrong i wym yoh ya ki sakhi kiwa biang kamwa da pynbaad ya oo.
