Uwi u bru wa tip kam u Sanjay Kumar uwa na Madhya Pradesh uwa da wiar nadooh wa sdang ka Lockdown ynnin u snem na i chnong u iwa tip kam i Harda, Madhya Pradesh da chem ya oo na Miao District ka Arunachal Pradesh.
Ya u Sanjay da chem da ki chipai ka Miao Battalion ka Indian Army uwa da sah bait hajan ka Kali Mandir ha Miao nadooh wa poi u ha Miao.
Da pyntip leh wa u Sanjay toh uwa rap tlot i bor pyrkhat u wei toh leh uwa dih drugs.
Neiliang ka Miao Battalion da yoh ko wow yaklam wa u DC ka Harda u Sanjay Gupta wa u SHO RK Chauhan kiwa da pyntikna wa uwa chem toh u Sanjay wei kamjooh i chnong.
Ki heh ka Indian Army da yoh ki leh wow yaklam waka bei u Sanjay wa kiwi emyatoh u deilang waki pulit ka Harda, Madhya Pradesh.
Ya u Sanjay daw kit daka lieñsuiñ cha New Delhi heiwa daw ekti ya oo cha kiwa hayung ha sem u.
