U chabi i yap i im ka Ri wa ka jaitbru toh du ha kti ki MLA/MDC: Meghalaya Movement

Jowai: Ka Meghalaya Movement (MM) kawi na ki dhab wada seiñ kawa da klam ha kini ki por du lyngba ki laad pathai khubor ha kani ka kynti da ong ko wa daw pynjoor ko yei pynsñiawthooh cha ka ri wa ka jaitbru neibynta wow sai ya kiwa em i sap wada e u Blai wow man ki kiwa chakri hok ya ka ri wa ka jaitbru.

Ka Meghalaya Movement da ong ko wa ka kitu kiwa e mi thmu wow yakhun election dei mynsien wa hok wow chakri ya ka jaitbru, ymtoh u tieñ wei emkaam u tia ki chaphrang neibhah wa ka MM u emlang bait ko ryngkat wa ki.

Ka MM da beiñ joor ko leh ya ki kyrtong kiwa da pynemkaam da ka luti embor wa ka spah iwa man pyrchah ya ki aiñ yong ka Election Commission ka ri India neibhah wa man i iwa sarom hawa yoo wa em ki kyrtong pynemkaam ki da ka spah wow jop election.

Da kyntu ko ya kiwa kitkaam niam, ki seiñbhalang wa ki chnong waphær waphær khamtam ki khynroo khyllood wow wan ki chaphrang wow kyrsu thiah ya ki bru kiwa em ka sap wow man kam ki kyrtong kiwa ye sakhiat u e i chakri ya ka ri wa ka jaitbru, wei wymhoi de u elaad ya ka spah u krehkaam ko heipor election.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kani toh katkam ka khubor na u Baitlang Pohsngap, uwa man leh kam u Convener ka Meghalaya Movement.