U chah chwa ka sorkar ya kiwa chongdai madan wow neh ki kamwa da em ki katni: Sniawbhalang

Ka chnat Pynroi Sor (Urban Affairs) yong ka sorkar jylla ym em jhan ware ko wow kyrriah ya kiwa chongdai madan hapoh sor Shillong kamjooh leh ya kiwa chongdai madan ha sarok Khyndailad. Wei yeini da pynsñiaw da u Symbood Montri Rangbah uwa pait ya kani ka chnat, u Sniawbhalang Dhar hawa klam wa kiwa thoh khubor ynnin ka sngi.

“Kamwa man kattæ, u neh chwa ki kamwa jooh man, tangwa ymtoh wa da pynsangeh yei thmu wow kyrriah ya ki. Katni toh ka aiom lehkmen kam ka Christmas, wei daw chim yei rai hadien wa dep i wow ya pynbait bha”, da ong u.

Kam wow pynkynmoo wa ka chnat Tourism yong ka sorkar jylla won dadep pynbna ko wow pyndep noh yei kyrriah ya kiwa chongdai madan cha ki thaw wa ki sorkar da booh ko hapoh uni u bnai, tangwa kiwa chongdai madan da pyrchah ki ya ini i thmu deiwa pynman yei yakhih deiwa toor yow paan pynche na ka Shillong Municipal Board (SMB) ha ka sngi Thohdieñ yong ka tayaaw wa dadep, wei ha ka miet yong ka sngi wa bood da pynman yakhih deiwa chong dai hadooh i por chiteiñ synyaw ha Khyndailad.

“I daw chong pyrkhat lang wa ka chnat Tourism deilang ka Urban Affairs deilang wa ki seiñ yong kiwa chongdai madan wei hadien itæ daw chim ya ka rai, wei ka sorkar daw chah ko wow bichaar bniah bha ya ini i kaam”, da ong u Sniawbhalang.

Hawa kylli yei kharoi kiwa chongdai madan katwa dang mih ki sngi, da ong u wa ka sorkar da chimkhia ko leh yeini, wei pyntip u leh wa i pynkhreh da lai ko wow kyrriah deiwa ya sñiawthooh lang wa kiwa chongdai madan wa kynthup leh ya ka chnat Tourism.

Related posts

Da ka song poisa saam ka sorkar cha ki pulit ka ANTF wa pnah wow kem drugs

August 21, 2025

Haap uwi u bru najrong ka Parking Lot wa em ha Ïewmawlong, mynsoo deilang wa ka kynthai

August 21, 2025

Hawa kylli chooh chooh, u Sniawbhalang da ong u wa dang emkaam sa 4-5 tylli ki thaw wa dang hap wow thooh. Deiwa ong leh wa ya kattæ ym pu ye wow batai hadooh katwon tylli ki thaw u booh wei i thooh ya ki thaw dang lai ki neidaw wa boon palat kiwa chongdai madan.

“Hadien wa da ye wow tipmit ya ki thaw wow chong kiwa chongdai madan, i kyrriah ya ki u man ko kajiak chisien”, da ong u.

U Sniawbhalang da ong u leh wa kini toh ki bru yong i hi wei da ong u ya ki wym toh u khuslai ware ki neibhah wym leh jhan wei daw yada yei hok yong ki.