U DC ka East Jaiñtia Hills da pyntip u wa i pynchna ya ka yingkieñ wa em ha Sonapur ha u sarok Jowai-Ratacherra wa da leh da ka NHAI ym em man ko kawa da dep neidaw wa mih chooh chooh i kaad kani ka yingkieñ neidaw wa pteiñ i lai ki kari.
Kamtæ neiliang ka sorkar Meghalaya da phah ko wow pynbait noh yei rukom lai ki kari na kani ka yingkieñ yow lait u jia iwon iwon wa sñiawsih.
Hajrong ini u DC ka East Jaiñtia Hills District da pyntip u wa nadooh ka 19-02-22 hadooh ka 22-02-22 du ki kari khian donhi u chah wow lai luti na kani ka yingkieñ.
Katwa nadooh ka 02-03-2022 hadooh ka 04-03-2022 daw khang u lai waroh ki jait ki kari yow ye u leh ya ka Load Testing ha kani ka yingkieñ.
Kam wow pynkynmoo yei kreh ya kani ka yingkieñ da sdang nadooh ka 4 tarik uni u bnai hadien wa da sdang u mih ki dak ki chin wa da sdang tlot ko.
Puræ leh: U sdang chna noh ya ka yingkieñ wa em ha Sonapur, da booh dei por wow lai ki kari
