Ynne ka sngi ha ka yalang wa da pynlai da u montri rangbahdooh ka ri, u Narendra Modi da rai wow chah wow yoh dawai yada COVID-19 ya kiwa da dap 18 snem chajrong nadooh ka 1 Naisan heiwa u Modi da ong u wa ka sorkar da yaleh ko la chi snem kattu wow e dawai ya ki paidbah ha ka ri.
Da sdang ya ka National Covid-19 Vaccination Strategy wow pynkhlan yei pynmih dawai yada COVID-19 nadooh u Naitung (Apr) 2020.
Da kyrmen bha wa daw ye u e chiboon ngut ki bru wow yoh ya ini i dawai khamtam kiwa da heh rta wa kiwa em chitom boonjait.
Ka Phase-I yong ka National Covid-19 Vaccination Strategy da sdang ya ka ha ka 16 Duyatra (January) 2021, deiwa sdang chwa wow e dawai yada COVID-19 cha ki wakreh ha i chait i khiah wa kiwa kreh haphrang namo ki Front Line Workers (FLWs) wow yaleh pyrchah ya ka khlam.
Ha ka Phase-II kawa da sdang ha ka 1 Wisu (March) 2021, da sdang wow e dawai ya kiwa em chitom boonjait wa ya kiwa 45 snem chajrong neibhah kini man ki 80% na kiwa khlaad na u COVID hapoh ka ri.
Katkam wa phah u Modi da phah u wow yakrehlang nadooh ki thaw pynmih thaw chna dawai kiwa ha ri wa kiwa cha baar ri la ki yong sorkar wa ki yong ki bru samen khnang wow pynkhlan yei pynmih dawai wei wow e ya ini i dawai yada cha waroh kiwa chong chnong ka ri wei ya ini da pdiang leh ya ka Emergency Use Authorisation namo i e dawai jhan ya ki bru heiwa da ebor wow pynemkaaam ya ar tylli ki dawai wa da pynmih ha ka ri da ka Serum Institute of India wa ka Bharat Biotech wei i dawai iwa le toh iwa na Russia, i Sputnik V yeiwa da kyrmen wow sdang pynmih noh hapoh ka ri.
Ha ka Phase-III yong ka National Vaccine Strategy da booh thong wow pynyinsur ya ki kyndon e dawai yada deiwa pynchlur wow pynmih boon ki dawai yada COVID-19.
Ka Phase 3 u sdang krehkaam ko nadooh ka 01-05-21.
