Ka sorkar Meghalaya lyngba u Chief Secretary ka jylla da pynmih kyndon ko wow wai noh ki thaw leh Yoga, Gym, Cyber Café waki Gaming Parlour nadooh ka 20 tarik uni u bnai.
Yaki thaw leh Yoga waki Gym u wai ki katkam ki kyndon (SoP) wa da pynmih haka 3 tarik uni u bnai daka Ministry of Health & Family Welfare ka sorkar India.
Yaki Cyber Café u wa ki katkam ki SoP wa da pynmih daka chnat Information Technology & Communication Department ka sorkar Meghalaya.
Yaki Gaming Parlour hap ki wow wai katkam ki SoP wa pynmih da ki Deputy Commissioner.
Waroh kini toh wow lai e chwa ki dei thoh cha ki Deputy Commissioner wa kular ki wow bood yaki SoP wow bood ki yaka Social Distancing wa pynmih daka Health & Family Welfare Department ka sorkar jylla yow yoh bor ki na jar jiar ki DC wow sdang krehkaam biang ki.
Ki DC daw hap ki wow lai pynsakhiat ya ini waroh yow pyntikna wa bood thij yaki kyndon wei na ki por cha ki por leh toh u lai sylli ki wa da bood yaki kyndon. Ki DC ye ki leh wow khang yeini i wai deiwa pyrkhat yei thaw wa em kini wei kamjooh i long i man kini ki thaw.
