Kam chibynta wow yada ya ki paidbah nei joor ki Spam Call deilang ki Message, neiliang ka Telecom Regulatory Authority of India (TRAI) da pynkylla ko ya ki kyndon ka Telecom Commercial Communications Customer Preference Regulations (TCCCPR) yow em i kitkhlieh da ki Telecom Operators wa ki Telemarketers.
Ki Telecom Operator kattu daw hap ki wow booh ki laad namo ki System yow pait kammon da pynemkaam ya kini ki laad wow kynjoh ktien cha ki bru.
Ki paidbah kattu ye ki wow ujor manda yoh Spam Call næ ki Message lyngba ka Do Not Disturb (DND) App wei ki Telecom Operator hap ki wow leh yei kaam ki manda poi ki ujor hapoh 5 sngi wei wow pynchitom ya kini kiwa leh Spam hadooh wow pyndooh noh yeiwa chah u leh ki.
Waroh ki Promotional Message toh u em ki wa ka Opt-Out Option heiwa ki paidbah ye ki wow jied yeini yow lait ki wow chah pynwit.
Ya kitu kiwa leh Telemarketing ym chah de ki wow pynemkaam da ki Mobile Number wei toh u sdang noh ki Number da u 140 wei kitu kiwa leh ya Service Call hap u sdang u Number ki da u 1600.
Waroh ki Message toh u em ki da ki Header yow khana iyi mut ki
- Promotional: “-P”
- Service: “-S”
- Transactional: “-T”
- Government: “-G”
Ki Telemarketers hap ki wow khana katwon sien pynemkaam ki da ki Robocalls.
Ki Telecom Operator daw chah daiñ kuna ki lada ym ye ki wow khang wow pyntip cha kiwa leh Spam Call heiwa ha ka sien wa nyngkong ka kuna man ko Rs. 2 lak, ha ka sien wa ar Rs. 5 lak wa Rs. 10 lak hadien ini.
Ki Telecom Operator leh hap ki wow paitbniah ya ki Phone Call wa ki SMS yow tip kiwon kiwa man kam ki Spammer neibhah kini toh kiwa khlan bha u Phone ha ka chi sngi wa kamjooh kiwi de ki rukom leh ki.
Discussion about this post